ஆ ஆனந்தமே பரமானந்தமே

இது மாபெரும் பாக்கியமே - இந்த

சின்னஞ்சிறு வயதில் என்னைக் குறித்து விட்டார்

தூரம் போயினும் கண்டுக்கொண்டார்

தமது ஜீவனை எனக்கும் அளித்து

ஜீவன் பெற்றுக்கொள் என்றுரைத்தார்

எந்தச் சூழ்நிலையும் அவர் அன்பினின்று

என்னைப் பிரிக்காது காத்துக்கொள்வார்

என்னை நம்பி அவர் தந்த பொறுப்பதனை

அவர் வரும் வரைக் காத்துக் கொள்வேன்

அவர் வரும் நாளினில் என்னைக் கரம் அசைத்து

அன்பாய்க் கூப்பிட்டுச் சேர்த்துக்கொள்வார்

அவர் சமூகமதில் அங்கே அவருடனே

ஆடிப்பாடியே மகிழ்ந்திடுவேன்